CAMELORUM Pili

CAMELORUM Pili

in Caspiis olim fuêre mollissimi et ex iis confectae vestes ad delitias pertinebant. Aelian. Hist. l. 17. c. 34. Κάμηλοι δ᾿ ἀριθμοῦνται πλείους, αἱ μέγιςται κατὰ τοὺς ἵππους τοὺς μεγίςτους, δ᾿τβιχες ἄγαν. ἁπαλαὶ ράς εἰσι σφξ´δρα αἱ τούτων τρίχεξ. ὡς καὶ τοῖς Μιλησίοις ἐρίοις ἀντικρίνεςθαι την` μαλακότητα, ουκ᾿οῦν ἐν τούτων οἱ ἱερεῖς ἐςθῆτα ἀμφιέννυνται καὶ οἱ τῶ Καπίων πλουσιώτατοι καὶ δυνατώτατοι. Cameli etiam (apud Caspios) plures numerantur, quorum maximi maximis equis sunt magnitudine pares, pilis magni pretii: ii enim ita molles sunt,ut cum Milesiis lanis mollitie compar ari possint. Ex illis porro Sacerdotes induuntur, et Caspiorum ditissimi quique et opulentissimi. Quod illum habere e Ctesia docent haec Apollonii Mirabil. c. 20. Κιησίας δὲ εν τῇ δεκάτῃ Περσικῶν καμήλους τινὰς εν τῇ κώρᾳ γίγνεςθαι, ἃς ἔχειν τρίκας πρὸς Μιλήσια ἔρια τῇ μαλακότητι. εν δὲ τούτων τοὺς Ι῾ερεῖς καὶ τοὺς ἄλλους δυνάςτ ας την` ἐςθῆτα φέρειν, Ctesias Persicorum l. 10. refert, in ea regione esse camelos, quorum pili mollite lanas Milesias aequent, Sacerdotesque et alios Proceres vestes ex iis confectas gestare. Ita in Imperio Magni Chami, in urbe Calacia, Metropoli Provinciae Tanguth, inveniri pannos, nomine Zambilotte, de lana alba et pilis camelorum contextos, quibus vix pulchriores in mundo inveniantur, narrat Paulus Venetus, l. 1. c. 63. qui etiam c. seq. ubi de terra Gogi et Magogi, Fiunt, inquit, ibi Zambilotti optimi de pilis camelorum. Cuiusmodi pannos proprie significat vox Gallica Camelot, quamvis sumatur hodie latius. Sed camelorum in Caspiis aut in Tartaria villi, quam sunt tenues, tam sunt asperi vulgares, quibus indui consuevisse Iohannem praecursorem Christi, legimus in Historia Euangel. Matth. c. 3. v. 4. et Marc. c. 1. v. 6. Hebraei vocant lanam camelorum: ut, cum quaerunt, an ut lanam ovium, ita lanam camelorum, cum lino miscere Lex vetet? Levit. c. 19. v. 19. et Deuteron. c. 22. v. 11. Item, an lepra inficiat vestes ex lana camelorum, quomodo inficit vestes ex lana ovium? Levit. c. 13. v. 47. 48. 52. 59.

Vide Talmudicum Tract. Kelaim c. 9. et Maimonidem in Kelaim c. 10. §. 6. citatos Bochatto, in Hieroz. Part. Prior. l. 2. c. 2. Recentioris aevi Scriptores Camelotum quoque et Camelinum vocant, cuiusmodi pannum sic describit Fortunatus de Vita S. Martini, l. 4.

------ ------ Modo subit. aspera tela,

Hispida cameli rigidô quasi vellere texta.

E quo, inter Christianos, olim Monachos vestes confici curâsse, docet Sulpitius de Vita eiusdem, c. 7. ubi de institutione Ordinis Monastici a S. Martino instituti: Denique camelorum setis vestiebantur, mollior ibi habitus pro crimine erat. Et Paulinus Vitae eiusdem l. 2.

Multis vestis erat setis contexta cameli,

Quae levibus stimulis vigiles contegeret artus,

Excludens tenuem compunctâ carne soporem,

Mollia ne fluxum nutrirent tegmina corpus,

Lasciva et tenui vestis fluctaret amictu, etc.

Vide eundem Ep. ad Severum, et alia quaedam hanc in rem, apud Car. du Fresne Glossar.